Иң матур ихата ҡайһы музейҙыҡы?

Беҙҙә музейҙар бай экспозициялары, экспонаттары ғына түгел, ә ҡараулы, бөхтә ихаталары менән дә матур. Конкурс шарттары буйынса, улар ай буйына социаль селтәрҙәрҙәге төркөмдәрендә #музейныйдворикРБ хештегы менән ихата күренештәре һынландырылған фотоһүрәттәрен урынлаштырып барҙы. Иң күп “лайыҡ” йыйған 10 музей бәйгенең еңеүселәре иҫәбенә инде.

Музей яратыусылар күберәге “Бәйләнештә” селтәрендә ултырғаны асыҡланғас, жюри һигеҙ еңеүсене – ошо селтәрҙә йыйған тауыштар буйынса, ә 9-сы һәм 10-сы урындарҙы Инстаграмда һәм “Класташтар”ҙа алған иң күп тауыштар буйынса билдәләргә хәл иткән.

Шулай итеп, бына ул Башҡортостандың иң матур ихаталы музейҙары:

1-се урын – Темәс тарих һәм тыуған яҡты өйрәнеү музейы, “Бәйләнештә” селтәрендә 247 тауыш йыйған;

2-се – Благовещен тарих һәм тыуған яҡты өйрәнеү музейы, “Бәйләнештә” селтәрендә 236 тауыш;

3-сө – Көйөргәҙе районының Кинйә Арыҫланов музейы, “Бәйләнештә” селтәрендә 225 тауыш;

4-се – Бәләбәй районының Ыҫлаҡбаш ауылындағы музей комплексы, “Бәйләнештә” селтәрендә 166 тауыш;

5-се – Йоматау этнография музейы, “Бәйләнештә” селтәрендә 144 тауыш;

6-сы – Әбйәлил тарих һәм тыуған яҡты өйрәнеү музейы, “Бәйләнештә” селтәрендә 139 тауыш;

7-се – Илеш районының Муса Гәрәев музейы, “Бәйләнештә” селтәрендә 133 тауыш;

8-се – Воскресенка картина галереяһы, “Бәйләнештә” селтәрендә 123 тауыш;

9-сы – Бәләбәйҙәге Аксаковтар ғаиләһе музейы, «Instagram»да 65 тауыш;

10-сы – Шишмә тарих һәм тыуған яҡты өйрәнеү музейы, “Класташтар”ҙа 39 тауыш йыйған.

Бына шулай, музей ихатанан башлана!

Фотола: Темәс тарих һәм тыуған яҡты өйрәнеү музейы.

Фото республиканың Милли музейы сайтынан.