+20 °С
Болотло
Әҙәбиәт һәм мәҙәниәт
11 Сентябрь 2020, 20:40
Милли кейем көнөнән - "Евразия йөрәге"нә
Бөгөнгө байрам “Торатау” конгресс-холы эргәһендәге амфитеатр алдында берҙәм матур бейеү менән тамамланды.
Милли кейем көнө “Торатау” конгресс-холы эргәһендәге амфитеатр алдында берҙәм матур бейеү менән тамамланды.
Башҡорт, рус, татар, мордва, сыуаш, мари һ.б. халыҡ көйҙәренә сағыу милли кейемдәрҙәге халыҡ бергәләп тыпырҙаны, ҡулға-ҡул тотоноп әйләнде. Был күренеш республикабыҙҙа йәшәгән күп төрлө милләттәрҙең татыулығын, бер-береһенә булған хөрмәтен асыҡ күрһәтеүе менән ҡәҙерле, әһәмиәтле һәм мөһим. Күмәк бейеү “Евразия йөрәге” V халыҡ-ара фестивален асып ебәрҙе.
Артабан амфитеатр сәхнәһенә ошо көтөп алынған ҙур мәҙәни сарала ҡатнашырға килгән ҡунаҡтар сыҡты. Тамашасылар Надежда Бабкина менән “Рус йыры” Мәскәү дәүләт академия театрының Бөтә Рәсәй фестиваль-марафонын, “Ҡурайфест”, “Этнотөн”дө ҡарау мөмкинлеген алды.
Шулай итеп, Милли кейем көнө мәртәбәле, дәрәжәле сәнғәт байрамына ҡуша үрелеп, ҡатнашыусылар, тамашасылар күңеленә иң матур, йылы тойғолар, оҙаҡҡа етерлек байрам кәйефе бүләк итте.
Автор фотолары.
