Ҡояшты ҡотҡарыусы шағирә

Быйылғы уҡыу йылын бына ошондай оло ҡыуаныс менән ҡаршыланы башҡорт теле һәм әҙәбиәте уҡытыусыһы Ғәлиә Миҙхәт ҡыҙы. Был яңылыҡ – шағирә эшләгән Зәки Вәлиди исемендәге 2-се башҡорт гимназия-интернаты өсөн дә мәртәбә.

Әйтергә кәрәк, яҡташыбыҙ­ҙың һуңғы өс-дүрт йыл эсендә яҙылған шиғырҙарын туплаған китапты сығарыуға пандемия үҙ ҡанундарын индермәйенсә ҡалмай. Авторҙың бишенсе китабы булып баҫылып сыҡҡан йыйынтыҡтың күләме генә түгел, форматы ла үҙгәргән.

– Аллаһ Тәғәлә миңә шундай һәләт биреүенә рәх­мәтлемен. Шатлыҡтарымды ла, хәсрәт­тәремде лә шиғыр­ҙарға түгеп, уларҙа йыуаныс, күңел тыныс­лығы таптым. Бы­ға тиклем ошо һәләтемде һаҡ­һыҙ рәнйетеп йәшәгәнмен икән. Күңел ҡәләмгә тартылған мәлдәрҙә лә, башҡа уға тотон­маҫҡа тип кәртә ҡуя торғайным.

Башкөллө донъя мәшәҡәт­тәренә сумдым. Тетрәнеү ки­сер­гәндән һуң ғына, күк ҡабығы асылғандай, үҙемдә ҡәләм ҡөҙ­рә­тен тойҙом. Шиғырҙар хәҙер миңә йәнемде йылытыусы ҡояш кеүек, ул бер ҡасан да тотолмаһын, – тип күңел серҙәре менән уртаҡлашты шағирәбеҙ.

Ғәлиә Кәлимуллина шиғыр­ҙа­рының һәр береһе баҙыҡ образдар, фәлсәфәүи уйла­ныуҙар менән туҡылған, тип ба­һалап өлгөрҙө өр-яңы китапты тәнҡитселәр. Ә ҡәләм­дәштәре, уҡыусылары авторға бөгөн дә интернет селтәрендә иң изге теләктәрен еткерә.

Йыһан ҡанундарына буйһо­ноп, халыҡ, тел, ер яҙмышын ҡайғыртҡан шағирәбеҙ, илдә ниндәй сәйәсәт барыуына ҡа­рамаҫтан, артабан да үҙ идеалдарына тоғро булып ҡалһын! “Ҡотҡарырға ине Ҡояшты” исемле китап Ғәлиә Кәли­муллинаның һуңғы туҡталышы булмаһын, тигән теләктә ҡалабыҙ.

Ишембай ҡалаһы.