+21 °С
Болотло
Әҙәбиәт һәм мәҙәниәт
2 Октябрь 2020, 07:19
“Өфөнән һөйөү менән – 2” фильмын төшөрәләр
Билдәле башҡорт режиссеры Айнур Асҡаров бынан өс йыл элек кино һөйөүселәрҙе “Өфөнән һөйөү менән” исемле тулы метражлы картинаһы менән ҡыуандырғайны. Фильм ысын мәғәнәһендә башҡорт кинематографына яңы һулыш өрҙө – ул экранға сыҡҡас, кинотеатрҙарҙа урын булманы, кемдер картинаны маҡтаны, ә кемдәлер ул хатта кире тойғолар тыуҙырҙы. Һәр хәлдә, битарафтар булманы.
Билдәле башҡорт режиссеры Айнур Асҡаров бынан өс йыл элек кино һөйөүселәрҙе “Өфөнән һөйөү менән” исемле тулы метражлы картинаһы менән ҡыуандырғайны. Фильм ысын мәғәнәһендә башҡорт кинематографына яңы һулыш өрҙө – ул экранға сыҡҡас, кинотеатрҙарҙа урын булманы, кемдер картинаны маҡтаны, ә кемдәлер ул хатта кире тойғолар тыуҙырҙы. Һәр хәлдә, битарафтар булманы.
Ошо көндәрҙә “Асҡарфильм” киностудияһы “Өфөнән һөйөү менән – 2” киноһы өҫтөндә эш башланыуын хәбәр итте. Күптәрҙә, әлбиттә, тәүге фильмдағы тарих дауам ителерме, тигән һорау тыуҙы.
“Яңы фильм – роуд-муви жанрына ҡараған комедия. Ул күп балалы ғаилә, ғаилә ҡиммәттәре, үҙ-ара мөнәсәбәттәр, мөхәббәт хаҡында буласаҡ. Фильмдың оҙаҡ ҡына эш өҫтөндәге исеме “Өфөнән һөйөү менән – 2” булып ҡала килде, әммә уның тәүге фильм менән бер уртаҡлығы ла юҡ. Картина прокатҡа “Йыл ғаиләһе” исеме аҫтында сығыр моғайын”, – тиелә киностудияның “Инстаграм”дағы рәсми аккаунтында.
Әлеге мәлдә фильм төшөрөүгә әҙерлек бара, команда актерҙар туплау менән мәшғүл.
