Радик Юлъяҡшин концерттарын күсергән

Асыҡлабыраҡ әйткәндә, Һамарҙа үтәсәк концертын – 2021 йылдың 12 мартына, ә Ижевскиға планлаштырған гастролен киләһе йылдың 10-11 сентябренә күсерергә мәжбүр булған.

“Эпидемиологик хәл сәбәпле беҙ концерттарҙы күсерергә мәжбүрбеҙ. Үҙегеҙҙе һаҡлағыҙ!” – тип мөрәжәғәт итте йырсы ижадын үҙ итеүселәргә. Улар бындай ҡарарҙы аңлап ҡабул итеүен, концерттарҙы көтөп ҡалыуын белдергән.

Шулай ҙа йырсы ағымдағы йыл аҙағына планлаштырылған ҡайһы бер концерттарын ойоштормаҡсы. “Хәл-торошҡа ҡараясаҡбыҙ”, - тип яҙҙы ул социаль селтәрҙә.

Фото: ru.wikipedia.org