“Хазина”ла – Ҡатай (Инйәр буйы) ҡыҙы

Бейеүсе Миләүшә Хәйбуллинаның Башҡортостандың Граждандар йәмғиәтенә булышлыҡ итеү фонды гранты ярҙамында ижад иткән “Хазина” бейеү клибындағы образдар тураһында һөйләүҙе тамамлайбыҙ. 7-се образ – Инйәр буйында йәшәгән Ҡатай ырыуы һылыуы.

Этнограф – Сәлимә Усманова. Фотограф – Эдуард Дилмөхәмәтов.

Инйәр буйы башҡорт ҡатын-ҡыҙы кейеме (Белорет районы).

Таҡыя, Инйәр һаҡалы, камзул, ҡыҙыл етен күлдәк, күн итек.

Таҡыя – Инйәр буйы ҡыҙҙарының баш кейеме. Осло башлы торҡа (шлем) рәүешендә, ваҡ тәңкәләр, мәрйен менән ҡапланған. Ҡашмау кеүек, был баш кейеме лә һаҡлау, ҡурсалау ролен үтәгән.

Камзулды бай ҡатын-ҡыҙ бихисап көмөш тәңкә менән биҙәр булған.

Үҙенсәлекле матур милли кейем – Инйәр буйы ҡыҙҙары хазинаһы өсөн Миләүшә Хәйбуллина “Селтәр” ижади студияһы етәксеһе Фатима Хәйретдиноваға рәхмәт белдерә.

Фото М. Хәйбуллинаның сәхифәһенән.