+20 °С
Болотло
Әҙәбиәт һәм мәҙәниәт
21 Ғинуар 2021, 20:35
Төп эштәр театрҙың "йөрәге"ндә башҡарыласаҡ
Мәҙәниәт министры Әминә Шафиҡова Рус дәүләт академия драма театрына үткәреләсәк реконструкция тураһындағы һорауҙарға яуап бирҙе.
Бөгөн мәҙәниәт өлкәһендәге 2020 йылғы эш һөҙөмтәләренә һәм яңы башланған йылға планлаштырылған сараларға арналған брифингта республиканың мәҙәниәт министры Әминә Шафиҡова Өфөләге Рус дәүләт академия драма театрына үткәреләсәк реконструкция тураһындағы һорауҙарға яуап бирҙе.
“Төп эштәр залда – театрҙың "йөрәге"ндә тип әйтәйек, башҡарылырға тейеш. Сәхнәне яңыртыу буйынса ла күләмле эштәр көтөлә. Залда акустика яҡшы, уныһын барыһы ла белә. Бына шуны һаҡлап ҡалырға тырышырбыҙ. Кесе залда ла йүнәтеү эштәре үткәреләсәк. Инженер селтәрҙәре театр төҙөлгәндән алып алыштырылмаған, улар ҙа яңыртыласаҡ”, – тине Әминә Шафиҡова. Ул проект-смета документтары әҙерләнгәне хаҡында ла белдерҙе.
Фото театр сайтынан.
