+20 °С
Ямғыр
Әҙәбиәт һәм мәҙәниәт
26 Февраль 2021, 08:45
Өлкәндәр компьютерҙы өйрәнә
Нефтекамала ошо йүнәлештә ҙур эш тәжрибәһе тупланған, уҡыу программалары төҙөлгән.
Нефтекама ҡалаһында “Муллыҡ” (“Благодать”) халыҡты социаль хеҙмәтләндереү үҙәге менән “Үҙәк китапханалар системаһы” муниципаль бюджет учреждениеһы “Компьютер ғилеме курстары” проектын тормошҡа ашыра. Быйыл ул Президент гранттары конкурсында еңеп сыҡты.
Проект Рәсәй Президенты Владимир Путиндың май указы менән раҫланған “Мәҙәниәт” милли проектына ярашлы, Нефтекама ҡалаһының китапханалар ситемаһы системаһы һәм мәҙәниәт ирекмәндәре ҡатнашлығында ғәмәлгә ашырыла. Ул өлкәндәргә әүҙем тормош алып барырға, буш ваҡытын файҙалы һәм ҡыҙыҡлы итеп үткәрергә, шәхси һәм социаль статусты үҫтерергә ярҙам итә.
Үҙәк китапханалар системаһы директоры вазифаһын башҡарыусы Ольга Князева әйтеүенсә, бында ошо йүнәлештә ҙур эш тәжрибәһе тупланған, уҡыу программалары төҙөлгән. Проект тормошҡа ашырылған ике айҙа 39 кеше белемен камиллаштырасаҡ.
Фото: vk.com
