Ғәскәровсылар “Ҙур гастролдәр”гә сыға

Фәйзи Ғәскәров исемендәге Дәүләт академия халыҡ бейеүҙәре ансамбле “Ҙур гастролдәр” федераль программаһында ҡатнашыуға һайлап алыу этабын үтте. Был этапта бөтә илдән 78 коллектив ҡатнашты. Эксперт комиссияһы 2021 йылда “Ҙур гастролдәр” Бөтә Рәсәй гастроль-концерт планында ҡатнашҡан 26 милли коллектив исемлеген төҙөнө.

Быйыл Фәйзи Ғәскәров ансамбле программа нигеҙендә Рәсәй төбәктәре буйлап ҙур турға сыҡмаҡсы. Улар Волга буйы, Төньяҡ Кавказ, Ханты-Манси округтарында, Ҡырым Республикаһында, Санкт-Петербургта, Пермдә, Бөйөк Новгородта сығыш яһай. Йыл буйы йәмғеһе 50-нән ашыу ҡалала концерт ҡуялар.

“Ҙур гастролдәр” программаһы бәләкәй һәм ҙур ҡалаларҙа йәшәгән тамашасыларға ватан һәм сит ил сәнғәтенең иң яҡшы өлгөләре менән танышыу мөмкинлеген бирә һәм Рәсәй Президенты Владимир Путиндың май указы менән раҫланған “Мәҙәниәт” милли проектын тормошҡа ашырыуға булышлыҡ итә.

#ВладимирПутин #национальныепроекты#нацпроекты
#региональныепроекты#регпроекты#нацпроектыБашкортостан

Фото: culture.bashkortostan.ru