+20 °С
Болотло
Әҙәбиәт һәм мәҙәниәт
9 Апрель 2021, 05:30
Китапханала ижадҡа иғтибар ҙур
Күгәрсен үҙәк район китапханаһы балалар ижады өсөн тауарҙар һатып алды.
Башҡортостандың Мәҙәниәт министрлығынан хәбәр итеүҙәренсә, Рәсәй Президенты Владимир Путиндың май указы менән раҫланған “Мәҙәниәт” милли проектына ярашлы, Күгәрсен үҙәк район китапханаһы балалар ижады өсөн тауарҙар: акварель буяуҙар, гуашь, бумалалар, ҡағыҙ, төрлө төҫтәге бисер, энә һәм еп, атлас таҫмалар, туҡыма һатып алды.
“Күптәр, китапханаға китап өсөн генә йөрөйҙәр, тип уйлай. Тик улар хаталана. Заманса китапхана – ул тотош мәҙәни донъя. Бында уҡырға ла, ижад менән шөғөлләнергә лә мөмкин. Ә бала өсөн ижад ғәйәт ҙур әһәмиәткә эйә. Был серле донъяла ул һәләтен үҫтерә, хыялын тормошҡа ашыра. Ижадтан бала ҙур файҙа ала”, – ти Күгәрсен үҙәк район китапханаһының баш китапханасыһы Эльвира Мансурова.
Мәғлүм булыуынса, “Мәҙәниәт” милли проекты нигеҙендә асылған өр-яңы модель китапханалар ижад менән шөғөлләнеү өсөн киң мөмкинлек аса.
Фото: srk.nationalpriority.ru/press_releases/84733
