+24 °С
Ямғыр
Әҙәбиәт һәм мәҙәниәт
26 Апрель 2021, 08:00
Гөлназ Асаеваға ире нимә бүләк иткән?
"Рәхмәт, ҡәҙерлем бүләгең өсөн! Мин шаңҡып ҡалдым! Һин - иң яҡшыһы!" - тип бик йылы һүҙҙәр яҙған йырсы үҙенең социаль селтәрҙәге сәхифәһендә.
Башҡорт һәм татар эстрадаһының сағыу тауышлы йырсыһы Гөлназ Асаеваға ире Вилдан Шәмсетдинов бик "текә" көтөлмәгән бүләк яһаған. Был хаҡта "Комсомольская правда-Өфө" баҫмаһы хәбәр итә. Вилли һөйгәненә "Киа Стингер" автомобиле бүләк иткән. Асыҡ ҡыҙыл төҫтәге өр-яңы сит ил автомобиле янында Гөлназ Асаева фотоға төшөп, үҙенең социаль селтәрҙәге сәхифәһендә бик хисле яҙыу ҙа ҡалдырған.
"Рәхмәт, ҡәҙерлем бүләгең өсөн! Мин шаңҡып ҡалдым! Һин - иң яҡшыһы!"-тигән йырсы.
Әйткәндәй, "Киа Стингер" - брендлы моделле автомобилдәрҙең береһе, һатыуҙа уның хаҡы 2 миллион 400 меңдән башлана.
Йәш парҙың дуҫтары йырсының был ҡыуанысын уртаҡлашып, бик матур теләктәр яҙған һәм Гөлназға киләсәктә бындай бүләктәрҙе йыш алыуын теләгән.
Фото: Гөлназ Асаеваның "Инстаграм"ынан.
