Башҡортостан
+14 °С
Облачно
VKOKРУС
Бөтә яңылыҡтар
Әҙәбиәт һәм мәҙәниәт
8 Сентябрь , 16:30

Сибай балаҫ һәм кейеҙ һуғыу оҫталарын саҡыра!

“Урал аръяғы-2021” III Бөтә Рәсәй инвестиция һабантуйы сиктәрендә, Сибай сәнғәт колледжында "Сибай кейеҙе" һәм "Буй балаҫ"  тип аталған ҡул оҫталарының конкурсы үтә.

Алдан хәбәр итеүебеҙсә, Сибай ҡалаһында үтәсәк ҙур эшлекле форумға ни бары ике көн генә ҡалды. Ойоштороусылар һәм ҡала етәкселәре Бөтә Рәсәй күләмендәге ҙур сараға етди әҙерләнә, шул иҫәптән Сибай ҡалаһындағы урта һәм юғары белем биреү уҡыу йорттары ла.

Камил Вәлиев исемендәге Сибай сәнғәт колледжында халҡыбыҙың онотола килгән кәсептәренең береһе - туҡыу сәнғәте һәм кейеҙ баҫыуҙы пропагандалау, уны йәш быуынға өйрәтеү, республиканың иң оҫта кейеҙ һәм балаҫ һуғыу оҫталарын бер майҙанға йыйыу маҡсатында "Сибай кейеҙе" III төбәк-ара конкурсы үтә. Бәйгелә ҡатнашыусылар кейеҙҙән эшләгән әйберҙәренән күргәҙмәлә ҡатнаша һәм кейеҙ баҫыу буйынса ярыша.

Шулай уҡ тәүге тапҡыр туҡыу сәнғәте буйынса "Буй балаҫ" конкурсы ойошторола. Бында аҫалы һәм буй балаҫ, һуҡма шәл оҫталары көс һынашасаҡ.

Теләүселәр түбәндәге телефондар аша шылтырата ала : 2-46-32, 5-14-89, 937-308-90-22, 963-891-10-50, 9603834609 (Асия Султановна Гайнуллина).

Автор фотоһы.

 

Сибай балаҫ һәм кейеҙ һуғыу оҫталарын саҡыра!
Автор:Карима Усманова