Моңо ла, ҡул эштәре лә һоҡланып туймаҫлыҡ!

Борай районының Баҡалы ауылы китапханаһында эшләгән Флүн Фәрит улы Биктиев йыр-моңға ла бик һәләтле. Төп эшенән тыш, район мәҙәниәт йортоноң "Инеш" вокаль ансамбле ағзаһы булып тора.

Халыҡ йолаларын тергеҙеүгә, ауылдаштарын йыр-моңға йәлеп итеүгә тос өлөш индерә ул.

Тағы бер яратҡан шөғөлө – заманса материалдар ҡулланып, йүнәтеү эштәре башҡарыу. Ағастан яһаған әйберҙәре лә һоҡланып туймаҫлыҡ!

Дуҫтар, береһенән-береһе һәләтле конкурсанттарыбыҙҙы иғтибарһыҙ ҡалдырмағыҙ!

Фото Ф. Биктиевтең шәхси архивынан.