Башҡортостан
-11 °С
Болотло
VKOKРУС
Бөтә яңылыҡтар

Башҡорт ҡыҙҙары – НТВ-ла!

Улар “Таланттар иле” тапшырыуында сығыш яһап, баһалама ағзаларын хайран ҡалдырҙы.

Башҡорт ҡыҙҙары – НТВ-ла!
Башҡорт ҡыҙҙары – НТВ-ла!

Өфө ҡалаһынан бик үҙенсәлекле “Хазина” этно-проекты НТВ каналының “Таланттар иле” тапшырыуында сығыш яһаны.

Был коллективҡа берләшкән биш ҡыҙ ҡурай, ҡумыҙ, ҡыл-ҡумыҙ, думбыра һәм ҡыл-ҡумыҙ приманың моңдарын берләштереп, аһәңле, һоҡланғыс сығыштар тәҡдим итә.

“Хазина” – ул төркөм генә түгел, үҙенсәлекле этно-проект та. Коллективтың етәксеһе Земфира Рәшитова билдәләүенсә, улар башҡорт халҡының онотолоп барған, һирәк башҡарылған йырҙарына өҫтөнлөк бирә. Земфира үҙе ҡурайҙа уйнай. Башҡа ҡыҙҙарҙан Зәлиә Нурлы йырлай һәм ҡумыҙҙа, Зәлиә Ғәниәтуллина – ҡыл-ҡумыҙҙа, Гөлназ Нафиҡова – думбырала, Нәйлә Биктимерова ҡыл-ҡумыҙ примала уйнай.

Тапшырыуҙың баһалама ағзалары башҡорт ҡыҙҙарының сығышын юғары баһаланы, уларҙың боронғо менән заманса моңдо берләштереү һәләтен айырып билдәләне. Жюри айырыуса башҡорт музыка ҡоралдарының яңғырашына хайран ҡалыуын йәшермәне.

Фото: gkzbashkortostan.ru 

Автор:Гөлдәр Яҡшығолова
Читайте нас в