"Уфтанма" милләттәрҙе бер ҡорға тупланы

Ойоштороусылар сарала ҡатнашыусыларҙы төрлө халыҡ мәҙәниәте менән таныштырыуҙы маҡсат итеп ҡуйған.

Кисә республиканың төрлө ҡала һәм райондарында Милли кейем көнө уңайынан бик матур саралар үтте. Күптәр эшкә милли кейемдә килде, төрлө флешмобтарҙа ҡатнашты.

Өфөләге "Йәшлек-хаус"тың "Уфтанма" ижад лабораторияһында биш ил вәкилдәре ҡатнашлығында ойошторолған сара ла һәр милләтең мәҙәниәтенә, милли кейем үҙенсәлектәренә арналды.

Ойоштороусылар төрлө халыҡ мәҙәниәте менән таныштырыуҙы маҡсат итеп ҡуйған. "Йәшлек-хаус"тағы был байрамға бер кем дә буш ҡул менән килмәгән: һәр береһе алдан йыр, бейеү, шиғыр әҙерләгән. Мәҫәлән, тамашасылар һинд, ҡаҙаҡ йырҙарын рәхәтләнеп тыңлаған, Таджикстан ҡыҙы туған телендә шиғыр ятлаған. Тағы ла башҡорт, һинд, Алтай бейеүҙәре лә башҡарылған. Мысыр егете сарала ҡатнашыусыларҙы илаһи скрипка көйө менән ҡыуандырған.

Йәнле кисәлә төрлө милләт вәкилдәре үҙ-ара танышып, аралашып, дуҫлашып өлгөргән. Сара аҙағында һәр ҡатнашыусыға Башҡорт телен һаҡлау һәм үҫтереү фондының Рәхмәт хаты тапшырылған.

Фото һәм текст сығанағы: "Шоңҡар" сайты.

Автор:Карима Усманова

Читайте нас:

Бөтә хоҡуҡтар ҙа яҡланған.

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башҡортостан» гәзитенә һылтанма яһау мотлаҡ.

Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ ФС77-33205 от 11 сентября 2008 г.

Баш мөхәррир

Исхаҡов Вәдүт Ғәйфулла улы

Электрон почта

[email protected]

Адресы

г. Уфа, ул. 50 лет Октября, 13, 5-й этаж

Реклама хеҙмәте

8(347)272-62-61

Ҡабул итеү бүлмәһе

8(347)272-05-43

Хеҙмәттәшлек

8(347) 273-83-92

Кадрҙар бүлеге

8(347)272-05-43