Ғалимә китабының исем туйынса саҡыра

Иртәгә, 21 апрелдә, күренекле ғалимә, фольклорсы, филология фәндәре докторы, М. Аҡмулла исемендәге Башҡорт дәүләт педагогия университетының Башҡорт фольклоры ғилми-тикшеренеү үҙәге етәксеһе Розалия Солтангәрәева китабының исем туйына саҡыра.

Баҫма “Башҡорт фольклоры: семантика, функциялар һәм йолалар” тип атала. Китап ике томлыҡ.

Автор ҡобайыр, сәсәнлек, йолалар тураһында һөйләйәсәк. Сара Ә. Вәлиди исемендәге Милли китапхананың башҡорт әҙәбиәте һәм тыуған яҡты өйрәнеү бүлегендә уҙғарыла. Адресы: Өфө ҡалаһы, Ленин урамы, 4.

Фото: республиканың Мәҙәниәт министрлығы.