Китапханасылар конкурсы тамам. Кемдәр еңеүсе?

Китапханасыларҙың һөнәри байрамдары уңайынан иғлан ителгән “Рухиәт һаҡсыһы” конкурсы тамам.

Ярышта республикабыҙҙың төрлө райондарынан иң әүҙем, иң тырыш хеҙмәткәрҙәр ҡатнашты. Уларҙың һәр береһе үҙенең хеҙмәте менән маҡтауға лайыҡ. Шулай ҙа ярыш еңеүсеһеҙ булмай. Бына улар:

1-се урында - Белорет районының Шығай ауылы моделле китапханаһының әйҙәүсе китапханасыһы Ольга Ғәлиуллина;

2-се урында - Нуриман районының Яңы Субай ауылы китапханасыһы Ирина Кирәева;

3-сө урында - Архангель районы Тәүәкәс ауылы китапханасыһы Гөлнара Ташбулатова.

Еңеүселәребеҙҙе ихлас ҡотлайбыҙ! Вәғәҙә итеүебеҙсә, улар тураһында гәзитебеҙҙә мәҡәлә донъя күрәсәк, өсөһөнә лә милли баҫмабыҙҙың дипломдары тапшырыласаҡ.

Конкурста ихлас ҡатнашҡан барлыҡ китапханасыларыбыҙға, улар өсөн янып-көйгән хеҙмәттәштәренә, туғандарына, яҡындарына - ғөмүмән, барлыҡ дуҫтарыбыҙға ҙур рәхмәт! Китапханасыларыбыҙҙы етеп килгән һөнәри байрамдары менән ҡайнар ҡотлап, артабан да халыҡтың рухи һаҡсыһы, терәге булып ҡалыуҙарын, эштәренән йәм, тәм табып йәшәүҙәрен теләйбеҙ. Бергә булдыҡ, бергә ҡалайыҡ!

Фотолар китапханасыларҙың шәхси архивынан.