Еңеүсе китапханасыларыбыҙ “Алтын тирмә”лә булды!

Китапханасылар көнө уңайынан “Башҡортостан” гәзитенең “Бәйләнештә” төркөмөндә иғлан ителгән "Рухиәт һаҡсыһы" конкурсы еңеүселәре – Белорет районы Шығай ауылынан Ольга Ғәлиуллина, Нуриман районы Яңы Субай ауылынан Ирина Кирәева, Архангел районы Тәүәкәс ауылынан Гөлнара Ташбулатова бөгөн Башҡортостан юлдаш телевидениеһының “Алтын тирмә” телевикторинаһында ла ҡатнашып,  үҙҙәренең әүҙем дә, белемле лә, зирәк тә булыуҙарын күрһәтте.

Был  сара икеләтә байрамға әүерелде. Унда  “Башҡортостан” гәзитенең баш мөхәррире Вәдүт Исхаҡов конкурсыбыҙ еңеүселәренә  дипломдар һәм иҫтәлекле бүләктәр тапшырҙы.

• Гәзит ойошторған конкурс беҙҙең һөнәребеҙҙең мәртәбәһен күтәреүгә ярҙам итте. Китап уҡыусыларыбыҙ, яҡташтарыбыҙҙың  беҙҙе нисек хөрмәт итеүҙәрен, яратыуҙарын күрһәтте. Тағы ла дәртләнеп эшләргә күңелгә көс-ҡеүәт өҫтәлде, - тине улар.

Китапханасылар тураһында  мәҡәләне тиҙҙән гәзит биттәрендә уҡырһығыҙ.

Автор фотоһы.