Диана Гурцкаяны Башҡортостанға саҡырҙылар

Петербург халыҡ-ара иҡтисади форумында Башҡортостан Башлығы Радий Хәбиров  Рәсәйҙең халыҡ артисы, Рәсәй Федерацияһы Йәмәғәт палатаһының уңайлы мөхит буйынса комиссия рәйесе, йырсы Диана Гурцкая менән дә аралашты.

Йырсы республика етәксеһен үҙенең Мәскәүҙәге социаль интеграция үҙәген ҡарарға саҡырҙы. Был үҙәк физик мөмкинлеге сиклеләр өсөн тәғәйенләнгән. Уның әйтеүенсә, үҙәктең маҡсаты – инвалид булған өлкәндәрҙең һәм балаларҙың ижади потенциалын үҫтереү.

Радий Хәбиров йырсы менән Рәсәй Президенты хакимиәтендә эшләгән ваҡытынан таныш булыуын белдерҙе. Йырсыға социаль-гуманитар проекттары менән дә ярҙам итә.

Фото: Башинформ.