Зинира һәм Ризат Рамаҙановтар ауылса ял итә!

Йәй көнө кемдер ял итергә диңгеҙ буйын һайлаһа, бәғзеләр тыуған яҡтарын хуп күрә. Башҡорт һәм татар эстрадаһының сағыу йондоҙҙары Зинира һәм Ризат Рамаҙановтар ҙа быйылғы йәйҙе ҡайҙалыр сит илдә түгел, ә үҙҙәренең тыуған яҡтарында, ата-әсәләре янында үткәрергә теләгән. Был хаҡта Ризат былай тигән:

— Ун көн ғаилә менән ҡатыным Зинираның яғында — Башҡортостандың Ҡариҙел районындағы Хәлил ауылында ял итәбеҙ. Быйыл Төркиәлә түгел, Ағиҙел буйында ҡыҙынабыҙ. Әбей-бабайҙа ҡорбан салдырҙыҡ, тараттыҡ. Ҡайын еләгенә барҙыҡ. Уның күплеге... Балыҡҡа йөрөйбөҙ, тәҙрә яҡтауҙары ҡуябыҙ. Ауылса ял итәбеҙ".

Ә һеҙ, дуҫтар, йәйҙе ҡайҙа үткәрәһегеҙ, нисек ял итәһегеҙ? Ҡайҙа ғына булһағыҙ ҙа, йәйегеҙ имен-һау үтһен, күңелле тәьҫироттарға бай булһын!

Фото: Ризат Рамаҙанов.