Милли кейем оҫтаһының еңеүе

Әстрханда “Волга беҙҙе мәңгелеккә берләштерҙе” тигән Бөтә Рәсәй этнофестивале уҙған. Бында илебеҙҙең төрлө мөйөштәренән ғалимдар, фольклорсылар, халыҡ оҫталары, артистар йыйылған.

Үҙенсәлекле фестиваль барышында “Этностиль” халыҡ кейем­дәре конкурсы ла булған. Мәртәбәле сарала республикабыҙ вәкиле – танылған башҡорт милли кейеме оҫтаһы, беренсе “Тамға” халыҡ-ара конкурсының төп еңеүсеһе, “Мәргән уҡсы” ойошмаһының етәксеһе, Башҡортостандың атҡаҙанған мә­ҙәниәт хеҙмәткәре Юлай Ғәлиуллин да ҡатнашҡан. Ул өс төрлө – “Йорт старшинаһы”, “Һунарсы” һәм “Күс­кенсе” кейемдәрен күрһәтеп, “Этнографик костюм” номинацияһында өсөнсө урынға лайыҡ булған.