Мәскәүҙәрҙе ғашиҡ иттереп...

Хәбәр итеүебеҙсә, кисә Башҡортостандың Милли симфоник оркестры донъялағы иң билдәле концерт залдарының береһендә – Мәскәү конвсерваторияһының Ҙур залында Илдар Абдразаҡовтың V юбилей фестивален асыуҙа ҡатнашты.

Милли симфоник оркестр Еңеү фестивалендә ҡатнашҡанда сығыш яһағайны инде, әммә был концерттары икеләтә мөһим, сөнки илебеҙҙең баш ҡалаһында Башҡортостандың ике музыкаль символы бер сәхнәлә тора – бөйөк йырсы, Башҡортостанды бөтә донъяға танытҡан Илдар Абдразаков һәм классик йырҙа йөҙөк ҡашыбыҙ булған Дәүләт оркестры!

Был концертты 18 сентябрҙә “Мәҙәниәт” телеканалында ҡарай алаһығыҙ.

Ә бөгөн Милли симфоник оркестр П.И. Чайковский исемендәге Мәскәү филармонияһының Концерт залында донъяла танылыу яулаған билдәле музыкант Денис Мацуев менән филармонияның 101-се миҙгелен асыуҙа ҡатнаша.  

Уны түбәндәге һылтанма аша теркәлеп ҡарарға мөмкин: https://meloman.ru/videos/online/tchaikovsky-hall/

Фото: Мәҙәниәт министрлығы.