Йәштәр театры фестивалгә юллана

Республикабыҙҙың М. Кәрим исемендәге Милли йәштәр театры актерҙары Саранск ҡалаһына “Худсовет” төбәк-ара йәштәр театр фестиваленә юллана. Унда Г. Белых менән Л. Пантелеев әҫәре буйынса әҙерләнгән “Республика ШКИД” спектаклен алып баралар. Ҡуйыусы режиссеры – Башҡортостандың атҡаҙанған сәнғәт эшмәкәре Мөсәлим Күлбаев.

"ШКИД" – революциянан һуңғы йылдарҙа барлыҡҡа килгән Достоевский исемендәге социаль-шәхси тәрбиә биреү мәктәбе. Әҫәрҙең төп геройҙары – ҡарауһыҙ ҡалған үҫмерҙәр. Ул – урланған бала саҡ, балаларҙы аңларға, уларға терәк булырға тырышҡан уҡытыусылар хаҡында.

"Худсовет" фестивале быйыл тәүгә уҙа. Ул Мордовия Республикаһының Театр эшмәкәрҙәре союзы һәм Рәсәй Президентының мәҙәни башланғыстар фонды ярҙамында ойошторола", – тип хәбәр итте театрҙың әҙәбиәт бүлеге етәксеһе Рәзилә Ырыҫҡужина.

Йәштәр театрына уңышлы сәфәр һәм еңеүҙәр менән ҡайтыуын теләйбеҙ!

Фотолар театрҙың архивынан.