Гармунсылар көнө менән!

Бөгөн – Бөтә Рәсәй гармунсылары көнө. Ошо уңайҙан күптән түгел гәзитебеҙҙең социаль селтәрендә һәүәҫкәр гармунсылар араһында уҙғарылған “Тынмаһын гармун моңо” конкурсында ҡатнашыусыларыбыҙҙы, ғөмүмән, барлыҡ гармунсыларҙы  байрам менән ҡотлайбыҙ!  Гармун моңо һәр кемдең күңеленә үтеп инә алырлыҡ ҙур көскә  эйә. Ошо моңоғоҙ менән тирә-йүндәгеләрҙең күңелен берсә дәртләндергәнегеҙ, берсә һағышландырғанығыҙ өсөн рәхмәт! Шул көй күңелдәребеҙҙән бер ҡасан да өҙөлмәһен ине.

Әйткәндәй, гәзитебеҙҙең бөгөнгө һанында конкурста беренсе урын яулаусы Мәләүез гармунсыһы Рөстәм Якиев тураһында мәҡәлә донъя күрҙе. Башҡа еңеүселәребеҙ менән дә киләсәктә танышырһығыҙ. Ә әлегә байрам уңайынан Бүздәктең гармун оҫтаһы Ришат Ғәйнетдиновтың музыкаль сәләмен ҡабул итегеҙ!

Автор фотоһы.

Видео: Ришат Ғәйнетдинов архивынан.