Баймаҡ туҡталыштарын "ҡуяндар" биҙәй

Республикала ғына түгел, тотош илдә Яңы йылға әҙерлек башланды. Кемдер йорттарына шыршы- ҡупшыҡайҙарҙы ултырта, уларҙы биҙәй, икенселәре Яңы йыл ҡаласыҡтары эшләй, ә кемдер байрам өсөн төрлө тамашалар ҡуя. Ә бына Баймаҡ ҡалаһында Яңы йыл кәйефен күтәргән бынамын тигән өр-яңы биҙәлештәр уйлап табылған. Ҡаланың автобус туҡталыштары элекке открыткалағы  һүрәттәр менән биҙәлгән.

Совет осорондағы был һүрәттәрҙе һәр кем яҡшы таный һәм хәтерләй ҙә. Йыл ҡунаҡтары - "ҡуяндар"  һәр кемде, бигерәк тә пассажирҙарҙы яҡшы кәйеф, күтәренке күңел менән оҙатып ҡала.

Фото: Баймаҡ районы хакимиәте сайтынан.