Туймазы районы хакимиәтенең мәҙәниәт бүлеге етәксеһе Рәмзин Рәфҡәт улы Әбсәләмов – күп яҡлы талант эйәһе. Яңы йыл етеү уңайынан ул яҡташтарына йырлы ҡотлау юллаған. Видеояҙманы Туймазы ҡалаһындағы "Родина" мәҙәниәт һарайы социаль селтәрҙәге төркөмөнә ҡуйған.
Әйткәндәй, йырҙың көйөн Рәмзин Рәфҡәт улы ижад иткән. Һүҙҙәренең авторы – Раушания Хажиева. Яҙманың видеооператоры һәм монтажлаусыһы – Дамир Ибраһимов.
Йыр телендә яңғыраған матур теләктәрҙе һеҙгә лә тыңлатабыҙ, дуҫтар. Етеп килгән Яңы йыл менән!
Фото: видеонан скриншот.
Видео: vk.com/rodina_tmz