Совет балалығы музейы

"Борай районының Борай ауылында совет балалығы музейы бар. Уны урындағы эшҡыуарҙар – Рәйсә һәм Артур Кәлимуллиндар асҡан. Үҙ магазинында улар бинаның бер өлөшөн бүлеп бирә һәм унда музей булдыра.

Музейға инеү бушлай. Уның хужабикәһе Рәйсә Муллайән ҡыҙы үҙе экскурсия үткәрә. Бер үтенес – сәфәр тураһында алдан иҫкәртер кәрәк.

Экспонаттар бөтә Рәсәйҙән – Калининградтан Владивостокка тиклем йыйылған. Ҡурсаҡтар, уйынсыҡтар, ҡурсаҡ кәрәк-яраҡтары һәм СССР осоро көнкүреш әйберҙәре коллекциялары – бөтәһе 600-ҙән ашыу берәмек. Борайҙан да, күрше ауылдарҙан да ҡыҙыҡлы нәмәләр бар.

Кәлимуллиндар ғаиләһенә ошондай изге башланғыс өсөн рәхмәт. Ҡыҙыҡлы һәм файҙалы", - тип яҙған Башҡортостан Башлығы.

Сығанаҡ: vk.com/radiyhabirov