Был афишаларҙа тарих сағыла

23 мартта баш ҡалабыҙға Өфө Шаляпин үҙәге – Мәскәү консерваторияһы профессоры Николай Кузнецов һәм Рәсәй, Америка режиссеры Әминә Жаман килде.

Башҡорт опера һәм балет театрында Әминә Жаман театрҙың генераль директоры Илмар Әлмөхәмәтовҡа Рудольф Нуреевтең Бродвейҙың сағыу афишаларын тапшырҙы. Тәүге тапҡыр улар халыҡҡа 2022 йылдың сентябрендә ГИТИС-тың уҡыу залында “Сол Юрок — импресарио” конференцияһында тәҡдим ителә. Хәҙер был плакаттар - Башҡорт опера театры музейының лайыҡлы экспонаттары.

Режиссер һәм драматург Әминә Жаман 15 йылдан ашыу ғүмерен АҠШ һәм Европа архивтарында, фондтарында иҫ киткес бейеүсе ижадын өйрәнеүгә арнай, уның дуҫтары, коллегалары Михаил Барышников, Фәрүх Рузиматов, Андрис Лиепа менән осраша. Әҫәрҙең һөҙөмтәһе Рудольф Нуреев һәм уның легендар партнеры Марго Фонтейн тураһында пьеса яҙыу буласаҡ.

Кис ҡунаҡтар А. Абдразаҡов ҡуйған Ф.И. Шаляпин репертуарынан Ж. Массенеттың “Дон Кихот” операһын ҡараны һәм режиссер, опера артистары менән аралашты.

Фото: Өфө Шаляпин үҙәге.