Рәсүл Ғамзатовты уҡығыҙ!

24 апрелдән 22 майға тиклем "Уҡыусылар өсөн мәҙәниәт" проектына ярашлы “Рәсүл Ғамзатов – балалар күҙлегенән” тигән Бөтә Рәсәй акцияһы үтә, ул күренекле шағирҙың тыуыуына 100 йыл тулыуға арнала.

Рәсүл Ғамзатов олуғ шағир ғына түгел, ә ғәжәп талантлы публицист, прозаик, тәржемәсе була. Дағстан шағирының исеме илебеҙҙең халыҡтарын, төрлө быуындарҙы бәйләй. Уның тыуыуына 100 йыл тулыу айҡанлы, "Уҡыусылар мәҙәниәте" ведомство-ара проекты тәҡдим иткән Бөтә Рәсәй акцияһы ике – белем алыу һәм интерактив йүнәлештәрҙә үтә.

24–30 апрелдә Дағстан театрҙары актерҙары Рәсүл Ғамзатов шиғырҙарын уҡый. Видеояҙмалар "Культурадляшкольников.РФ " порталында һәм "Бәйләнештә" социаль селтәрендәге ушл уҡ исемле төркөмдә урынлаштырыла.

Акцияның интерактив өлөшөндә уҡыусыларға шағирҙың үҙҙәренә оҡшаған шиғырын уҡырға һәм “Бәйләнештә” селтәренә #гамзатовкдш хештегы менән видеояҙманы баҫтырып сығарырға тәҡдим ителә. Онлайн-конкурс ҡатнашыусылары өс номинацияла – 6–10 йәш, 11–14 йәш һәм 15–17 йәш – баһалана.

Баһалама ағзалары һәр төркөмдән 10 еңеүсене һайлап ала. Уларға “Уҡыусылар өсөн мәҙәниәт” проекты исеменән сертификаттар һәм бүләктәр тапшырыласаҡ, ә иң яҡшы сығыштар "Культурадляшкольников.РФ” порталында баҫыласаҡ.

Фото: культурадляшкольников.рф/news/