Ваҡыт бар әле, өлгөрөп ҡалығыҙ

Әҙәбиәт, сәнғәт һәм архитектура өлкәһендә Шәйехзада Бабич исемендәге республика дәүләт йәштәр премияһы талантлы һәм инициативалы йәштәргә тапшырыла.

Әгәр һеҙгә - 16 – 35 йәш, республика мәнфәғәте өсөн тырышағыҙ икән, ижади проекттарығыҙ йәмәғәт танылыуын яулаһа, ғариза ебәрегеҙ. Ваҡыт бар – документтар 2023 йылдың 1 июленә тиклем ҡабул ителә.

Премияны Башҡортостан Хөкүмәте тапшыра. Күләме – 150 мең һум.

Түбәндәге эштәрҙе тапшырырға мөмкин:

Бер йылдан да кәм булмаған ваҡыт элек баҫылған, йәмәғәт алдында башҡарылған йәки ҡоролған әҙәбиәт, сәнғәт һәм архитектура әҫәрҙәрен;

әҙәбиәт әҫәрҙәрен – матбуғатта тамамланған рәүештә баҫылғандан һуң;

музыка, театр, хореография, цирк, кинематография һәм һынлы сәнғәт әҫәрҙәрен – күргәҙмәлә, матбуғатта, концерттарҙа, театрҙарҙа һәм кинотеатрҙарҙа киң танылыу яулағандан һуң;

архитектура өлкәһендәге эштәр - бинаны, ҡоролманы һәм биналар һәм ҡоролмалар комплексын файҙаланыуға тапшырғандан һуң.

Иғтибар итегеҙ, коллективтарҙы тәҡдим иткәндә дәғүәселәр һаны биш кешенән артмаҫҡа тейеш.

Эштәр Өфө ҡалаһы, Аксаков урамы, 2-се йорт, 411-се бүлмәлә, Башҡортостандың Йәштәр сәйәсәте буйынса дәүләт комитетының йәштәр башланғыстарына булышлыҡ итеү бүлегендә ҡабул ителә.

Бәйләнеш өсөн: Исмәғилева Диана Айрат ҡыҙы, йәштәр башланғыстарына булышлыҡ итеү бүлеге белгесе.
Тел. +7 (347) 218-03-08, (эске телефон: 305-48). E-mail: Ismagilova.DA@bashkortostan.ru

Премия тураһындағы положение, кәрәкле документтар теҙмәһе һәм формалары - Башҡортостандың Йәштәр сәйәсәте буйынса дәүләт комитеты сайтында: https://molodez.bashkortostan.ru/activity/40117/

Фото: bashinform.ru