Дмитрий Харатьян: "Беларусь Рәсәйҙең ысын дуҫы булып сыҡты"

Өфөлә Рәсәй – Беларусь төбәктәренең Х форумы сиктәрендә барған Евразия йөрәге фестиваленең тәүге көнөндә актер һәм йырсы Дмитрий Харатьян төп хедлайнер булды. Бөгөн кис ул өфөләрҙе һәм ҡунаҡтарҙы Конгресс-холл амфитеатрында үҙ сығыштары менән ҡыуандырасаҡ. Дмитрий фестиваль һәм Башҡортостандың баш ҡалаһы тураһында тәьҫораттары менән бүлеште.

– Мин Өфөлә тәүге тапҡыр ғына түгел һәм һәр ваҡыт бында килеү тәҡдименә шатланып ҡарайым. Башҡортостан Республикаһы Башлығы Радий Хәбиров мин йәшәгән Красногорск башлығы булды. Ул беҙҙең ҡалала бер йыл ғына эшләне, әммә бөтә халыҡ уның изге һүҙ менән иҫенә төшөрә, сөнки ул ҡала өсөн бик күпте эшләне. Башҡортостанда булыуыма, шул иҫәптән Радий Фәрит улы төбәк менән етәкселек иткәнгә лә, һәр саҡ булыуыма бик шатмын. Бында үҙенсәлекле мәҙәниәт һәм иҫ киткес кешеләр йәшәй. Бында Евразия йөрәге һәм төбәктәрҙең форумы үткәрелеүе – бик шәп. Рәсәй менән Белоруссияның бәйләнеше бик мөһим, сөнки Белоруссия Рәсәйҙә һәм донъяла барған еңел булмаған хәл-ваҡиғаларҙа илебеҙҙең төп дуҫы булды. Был дәүләттәребеҙ һәм туғандаш халыҡтар араһындағы мөнәсәбәттәргә тоғролоҡто һыҙыҡ өҫтөнә ала. Сара беҙҙең дуҫлыҡты нығыта, – тине ул.

Иҫегеҙгә төшөрәбеҙ, X Рәсәй һәм Беларусь төбәктәре форумы Өфөлә 26 июндә эшләй башланы. Был ваҡиға Рәсәй Федераль Йыйылышының Федерация Советы һәм Беларусь Республикаһы Милли Йыйылышы Советы патронаты аҫтында 2014 йылдан алып йыл һайын үткәрелә.