Сибайҙа - «Еңеү поезы» күсмә экспозицияһы

Бөгөн Сибай тимер юл вокзалына «Еңеү поезы» килде. Был - Бөйөк Ватан һуғышы ваҡиғалары тураһында күсмә күргәҙмә-музей. Ҡала хакимәите башлығы Азамат Юлдашбаев етәкселегендәге делегация, ҡаланың ирекмәндәр ойошмалары «Еңеү поезы»н алҡыштарға күмеп ҡаршыланы.

Проекттың ойоштороу комитеты етәксеһе Сергей Лукша белдереүенсә, «Еңеү поезы» - донъялағы беренсе күсмә музей. Рәсәй буйлап сәйәхәткә поезд 2020 йылдың октябрендә Мәскәүҙән юлға сыҡҡан. Беҙҙең илдә йөҙәр меңләгән кеше дүрт меңдән ашыу үҙенсәлекле реквизиттан һәм 150-нән ашыу фигуранан торған музей менән яҡындан таныша алды.

«Еңеү поезы» йөҙләгән ҡалала булған. Беҙ Ҡара диңгеҙҙә һәм Тымыҡ океанда эшләнек, Транссебер магистрален киҫтек. Беҙҙең бурыс - күргәҙмәне бөтә Рәсәй халҡына күрһәтеү. Һәр кем эре музейҙарға бара алмағанға, беҙ илебеҙҙең бөтә ҡалаларына ла инеп сығырға тырышабыҙ", - ти Сергей Лукша.

“Еңеү поезы” уникаль комплексын булдырыу идеяһы Рәсәйҙең Мәғариф һәм фән министрлығына ҡарай. Рәсәй тимер юлдары вагон составын  бирә, видеоконтентты “Ҡыҙыл квадрат” медиатөркөмө булдыра, ә музейҙың үҙен “Невский баталист” ижади оҫтаханаһы әҙерләй. 

Тетрәндергеес Еңеү тарихын үҙ күҙҙәрегеҙ менән күргегеҙ килһә, "Еңеү поезы"н ситләп үтмәгеҙ!

Фото: Лена Мөхәмәтова.