Балерина, педагог һәм остаз

Хөрмәтле өфөләр һәм баш ҡала ҡунаҡтары!

Башҡортостан Республикаһы Башлығының 2023 йылдың 16 мартындағы «Тамара Шәһит Ҡыҙы Хоҙайбирҙинаның тыуыуына 100 йыл тулыуҙы байрам итеү тураһында»ғы 176-сы Указына ярашлы, быйыл күренекле балеринаның юбилейы билдәләнә.

Һеҙҙе РСФСР-ҙың атҡаҙанған артисы, Башҡортостандың халыҡ артисы Тамара Шәһит Ҡыҙы Хоҙайбирҙинаның (1923-1998) 100 йыллығына арналған «Тамара Хоҙайбирҙина-балерина, педагог һәм остаз» күргәҙмәһен асыуға саҡырабыҙ.

Күргәҙмәлә БР Милли музейы филиалы Ш.Ә. Хоҙайбирҙиндың йорт-музейы фондынан документтар, китаптар, фотоһүрәттәр, шәхси әйберҙәр тәҡдим ителгән.

«Тамара Хоҙайбирҙина – балерина, педагог һәм остаз» күргәҙмәһе 2023 йылдың 4-30 сентябрендә Ш.Ә. Хоҙайбирҙин музейында, Өфө ҡалаһы, Яңы Күпер урамы, 20 адресы буйынса эшләйәсәк.

Күргәҙмәне асыу ваҡыты: 2023 йылдың 4 сентябре 15.00 сәғәттән 15.40 сәғәткә тиклем.

Белешмәләр өсөн телефон: +7(347)272-65-43.