“Ҡыҙҙарҙы үҙем һайлайым”

Билдәлелек яулаған артистарҙың ғаилә ағзалары ла иғтибар үҙәгендә булыусан. Йырсы Радик Юлъяҡшиндың ҡатыны Инзиләгә лә йыш ҡына иренә, уларҙың шәхси тормошона бәйле һорауҙар бирәләр.

Әле яңыраҡ Элвин Грейҙың яңы йыры сыҡты. Клипта төрлө ҡыҙҙар төшкән. Шуға күрә ҡайһы берәүҙәр социаль селтәрҙә Инзиләнән: “Ни эшләп иреңдең клиптарында үҙең төшмәйһең”? тип һораған.

“Сөнки теләмәйем. Миңә был ҡыҙыҡ түгел. Дөйөм алғанда, миндә ундай теләк булғаны ла юҡ”, – тигән ул.

Әйткәндәй, яңы йырҙың клибына Инзилә ҡыҙҙарҙы үҙем һайланым һәм һәр береһен беләм, тигән.

Фото: Элвин Грейҙың "Бәйләнештә"ге сәхифәһенән.