Милли кейем көнө менән, төркөмдәштәр!

Бөгөн республикабыҙҙы төйәк иткән һәр халыҡ өсөн рух байрамы. Һәр ҡайһыбыҙ милли кейемебеҙҙе кейеп, биҙәүестәребеҙҙе тағып, ошо бәләкәй генә ишара аша тамырҙарыбыҙға, халҡыбыҙҙың данлы тарихына ихтирам күрһәтә, ата-бабаларыбыҙ рухын шатландыра алабыҙ. Бөгөн Башҡортостаныбыҙҙа иҫәпһеҙ-һанһыҙ саралар үтер, улар барыһында ла халҡыбыҙҙың бай мәҙәниәте ҡомартҡыһы булған милли кейемгә мәҙхиә яңғырар. Беҙҙең гәзит коллективы ла байрам көнөн бергә үткәрергә саҡырып, фото, видеоакция иғлан итә. Ошо яҙмаға комментарийҙарға үҙегеҙҙең милли кейемдәге фотоларығыҙҙы, видеоларығыҙҙы беркетегеҙ, бергәләп ҡарайыҡ, шатланайыҡ! 

Фотолар - Р.Шәңгәрәева һәм шәхси альбомдарҙан.