Инвестиция һабантуйында Башҡортостан менән Ҡытай ауыл хужалығы өлкәһендә килешеүҙәр төҙөнө

Документтарға Башҡортостан Хөкүмәте Премьер-министры урынбаҫары – ауыл хужалығы министры Илшат Фәзрахманов, «Дайю Цзешуй» компаниялар төркөмөнөң генераль директоры Кан Хай, «Чжиинда» компанияһының идара рәйесе урынбаҫары Дин Кэ ҡул ҡуйҙы.

Билдәле булыуынса, Бөтә Рәсәй «Урал аръяғы» инвестиция һабантуйы – халыҡ-ара кимәлдә эшлекле аралашыу урыны. Быйыл унда тиҫтәнән ашыу илдән делегациялар ҡатнаша, улар иҫәбендә – Беларусь, Ҡытай, Төркиә, Иран һәм Үзбәкстан.

Форумды Башҡортостан Республикаһы Хөкүмәте һәм Стратегик башланғыстар агентлығы ойоштора. Инвестһабантуй дәүләт власть органдары һәм бизнес вәкилдәрен, эксперттарҙы һәм йәмәғәт эшмәкәрҙәрен, Рәсәйҙән һәм сит илдәрҙән инвесторҙарҙы берләштерә.

Фото: Башҡортостан Республикаһы Хөкүмәте сайтынан.

Сығанаҡ: https://pravitelstvorb.ru/news/23993/