"Таҡыя" халыҡ-ара балалар милли кейеме оҫталары конкурсы аҙағына яҡынлаша

Бәйге өс этапта үтә:

– ғаризалар ҡабул итеү;

– конкурс эштәрен яҡлау һөҙөмтәһендә финалсыларҙы билдәләү;

– йомғаҡ яһау, еңеүселәрҙе бүләкләү.

Финал өлөшөндә бәйгеселәр костюмдары менән таныштырасаҡ.

Конкурста Башҡортостан Республикаһы биләмәһендә, Рәсәй төбәктәрендә һәм яҡын сит илдәрҙә йәшәгән оҫталар – реконструкторҙар, костюмдар буйынса рәссамдар, дизайнерҙар, профилле юғары уҡыу йорттарының 16 йәштән алып студенттары һәм милли кейем темаһы менән ҡыҙыҡһыныусылар ҡатнаша ала.

Конкурс номинациялары:

1. "Балалар кейеме – реконструкция". Был йүнәлештә балаларҙың тарихи костюмын яңыртыу ҡаралған. Талаптар: тарихи ҡанундарҙы, байрам һәм тарихи кейем кейеү мәҙәниәтен үтәү; айырым төбәктең бесеү, тегеү, биҙәү үҙенсәлектәрен һаҡлау; туҡыманы һәм төҫтәрҙе дөрөҫ һайлау; художестволы образдың гармониялы һәм сағыу булыуы; костюмдың композиция һәм стиль бөтөнлөгө.

Конкурсҡа мотлаҡ рәүештә тарихи костюм өсөн өлгө итеп алынған төп сығанаҡтың һүрәте тапшырыла.

2. "Балалар костюмы автор башҡаруында", йәғни балалар өсөн заманса дизайнер кейеме (спорт-шик, көндәлек, мәктәп формаһы) ҡаралған. Талаптар: балаларҙың традицион милли кейеменең төп һыҙаттарын сағылдырыу, юғары художестволы кимәлдә башҡарыу; биҙәктәрҙе һәм төҫтәрҙе уңышлы һайлау; художестволы образдың килешле һәм сағыу булыуы, костюмдың композиция һәм стиль бөтөнлөгө.

Конкурсҡа илһам сығанағының һүрәте һәм эскиздар мотлаҡ тапшырыла.

Ғаризалар (1-се ҡушымта) конкурста ҡатнашыу өсөн ойоштороусыларҙың электрон почтаһына «ЗАЯВКА» билдәһе менән ҡабул ителә. 

Конкурсҡа бәйле һорауҙар буйынса мөрәжәғәт итергә:

проект етәксеһе – Сәлимә Марат ҡыҙы Усманова, 8 (961) 046-23-56;

куратор – Иҙел Фәрит улы Хәкимов, 8 (967) 739-08-62.