Яугир Замир Йәнтүрингә юғары награда бирелде

Камил Вәлиев исемендәге Сибай сәнғәт колледжы директоры Замир Йәнтүрин махсус хәрби операция биләмәһендә өлөшләтә мобилизация сиктәрендә ҡатнаша. Мәскәү һабантуйында ул «Башҡортостан Республикаһының атҡаҙанған мәҙәниәт хеҙмәткәре» тигән маҡтаулы исемгә лайыҡ булды.

– Награданы тап илебеҙҙең баш ҡалаһында милли һабантуй байрамында алыу минең өсөн икеләтә ҡыуаныслы. Башҡортостан Республикаһы етәкселегенә ҙур рәхмәтемде белдерәм. Бөгөн халҡыңдың, айырыуса үҫеп килеүсе быуындың мәҙәниәтен һәм тарихын белеү мөһим, – тине Замир Таһир улы.

Мәскәү һабантуйы тураһында тулыраҡ сайтыбыҙҙа алдағы мәҡәләлә уҡығыҙ.

Фото: БР Мәҙәниәт министрлығының матбуғат хеҙмәте.