Ҡалай рәхәтләнеп тәбиғәт ҡосағында йырлап тора!

“Бәйләнештә” төркөмөндәге сәхифәһендә Ғайса Ишмөхәмәтов Ейәнсура районы Үтәғол ауылынан Фаил Хәмзә улы Ҡолсуриндың йырлауын һалған.

“Ҡаҫмарт буйы - таланттарға бай төбәк: мәшһүр йырсы – Сөләймән Абдуллин, шағир – Ғилман Ишкинин, яҙыусы – Сабит Фазлыев...
Үҙешмәкәр йырсыларҙың башҡарған йырҙары мәғәнәле, моңло, ябай, ихлас, шуға ла күңелемә яҡын.

Йәшәүҙәре рәхәт туғандар булғанда,
Атай-әсәй өҙөлөп, балам, тиеп торғанда...” – тип яҙған ул.

Фаил Ҡолсуриндың йырлауын башҡалар ҙа яратып ҡабул иткән. “Талантлы ағай. Шул тиклем матур йыр! Ижади уңыштар!” – тип маҡтап яҙған Зифа Ғарифуллина.

Фаил Ҡолсуриндың йырлаған видеояҙмаһын ҡарағас: “Ҡалай рәхәтләнеп тәбиғәт ҡосағында йырлап тора!”, – тип беҙ ҙә һоҡландыҡ.

Ә һеҙ үҙешмәкәр йырсылар башҡарыуында йырҙар тыңларға яратаһығыҙмы?

Фото: скриншот.

Видеояҙма сығанағы: vk.com/id678020109?from=search.