“Банкаһын киләһе йыл алып килермен”, тигән...

Татарстандың атҡаҙанған артисы Илһөйә Бәҙретдинованың Иҫке Балтастағы гастролдәре ҙур уңыш менән үтте, тип яҙа “Балтач таңнары”.

Шул концерттарҙың береһендә ҡыҙыҡлы хәл булған. Тамашасыларҙың береһе - Гүзәлиә Солтанова яратҡан йырсыһына бер банка ҡайын һыуы бүләк иткән.

– Эх, ҡайын һыуы... Ҡайын һыуын эсә алмайым, урмандарға туҡталырға ваҡыт юҡ. Шулай мине ҙурлағанығыҙ өсөн бик ҙур рәхмәт. Киләһе йылға һиңә банкаһын килтерермен, – тип, тамашасыларын көлдөрөп, рәхмәт һүҙҙәрен еткергән йырсы.

Тамашасылар йырсыны ошондай йор һүҙлелеге, ябайлығы өсөн дә ихтирам итәлер, моғайын.

Фото:"Балтач таңнары" сайтынан.