Йырсы конкурс иғлан итте, еңеүселәргә аҡса өләшә

Татарстандың атҡаҙанған йырсыһы Илһөйә Бөҙретдинова яңы йыры сығыу уңайынан конкурс иғлан иткән, ә еңеүселәргә аҡса вәғәҙә итә.

“Бына тағы бер матур йыр сыҡты - “Иртәрәк!” Тыңлап ҡара әле, рәхим итеп! Оҡшаһа, “матур” тип яҙ. Оҡшамаһа, “ныҡ матур” тип яҙ. Йыр сығыу хөрмәтенә конкурс иғлан итәм. Матур-матур видеолар төшөрөргә кәрәк!

Шарты бындай: “Ғүмерҙәр көҙөнә керергә” тигән юлды үҙең йырлайһың, ә “иртәрәк” тигән һүҙен башҡа кешеләрҙән әйттерәһең. Күберәк кеше әйткән һайын, “текәрәк” буласаҡ! Сторисҡа мине билдәләп ҡуйығыҙ. Үҙем һанап ултырам шәхсән!

Беренсе урынға: 10 000 һум,

икенсе урынға: 5 000 һум,

өсөнсө урынға: 3 000 һум”,  - тип йырсы тамашасыларын ҡыҙыҡһындырған.

Йырҙың авторҙары – Рауза Хафизова менән Айҙар Тимербаев.

Фото һәм сығанаҡ: “Интертат”.