Әлиә Төхвәтуллина ире Ришаттың бик талапсан булыуы тураһында һөйләгән

Башҡорт һәм татар эстрадаһының сағыу парҙарының береһе – Әлиә һәм Ришат Төхвәтуллиндарҙың тормошо һәр кемде ҡыҙыҡһындырмай ҡалмайҙыр. Ике талантлы йырсының үҙ-ара нисек йәшәүҙәре, улдары Әлимдең тәүге аҙымдары тураһында күптәр яҡындан белгеһе килә.

Ошо көндәрҙә блогер  Лесная (Олеся Дмитриева) Ришат Төхвәтуллиндың ҡатыны, йырсы Әлия Төхвәтуллинанан интервью алған.

- Ришат Төхвәтуллинға кейәүгә сыҡмаған булһаң, популяр булыр инеңме?

- Белмәйем, бәлки... Мин бит барыбер Ришаттың  концерттарында танылыу таптым. Яҙылыусыларым артты.

- Эстрадала дуҫ тип кемде һанайһың?

- Марат Яруллин, Искәндәр Вәлиев, Гөлсирин Абдуллина, Эльмира Ғилфановалар менән бик яҡындан аралашабыҙ.

- Ришат ҡайһы өлкәлә күберәк абьюзер: сәхнәләме, әллә өйҙәме?

- Абьюзер  тип әйтмәҫ инем. Әммә характеры... Бик талапсан. Ул – перфекционист. Бөтә әйбер ҙә идеаль булырға тейеш. Гел дә идеаль түгел инде. Перфекционист булыу – уның йөҙө.

- Бюджетығыҙ уртаҡмы? Әллә һәр кем айырым тотамы?

- Ремонт яһағанда, аҡсам булһа, ала ла ҡуя инем. Үҙем теләгән нәмәләргә – тырнаҡ яһатырға, макияжға – Ришаттан һорарға ҡыйынһынам.

Нисек кенә булмаһын, кеше тормошо - башҡаларға ҡара урман, тиҙәр. Иң мөһиме: яратҡан йырсыларыбыҙ сәхнәлә тамашасыларын яңы йырҙар менән ҡыуандырһын!

Сығанаҡ: “Интертат”.