Элвин Грейҙың талисманын беләһегеҙме?

Башҡортостандың халыҡ артисы Элвин Грей (Радик Юлъяҡшин) үҙенең талисманы – ябалаҡ тураһында һөйләгән. Йырсы хатта “ябалаҡ аҫрарғамы икән” тип дә уйланған.

Артистың яратҡан ябалаҡтары – татуһы – ике ҡулында ла бар. Ул көн менән төндө күптән бутағанлығын һәм, ябалаҡ кеүек, төндә уяу булыуын да әйткән.

“Ниңә ябалаҡ?” – тип һораһағыҙ, был тату – минең тәнемә төшөргән беренсе етди һүрәтем. Ябалаҡ – ул ҡош ҡына түгел, ул – ҡала йоҡоға киткәндә һәм изге уйҙар, саф көйҙәр генә ҡалған тынлыҡта ижад иткән күңелемдең сағылышы. Минең иң мөһим йырҙарым нәҡ бына шундай сәғәттәрҙә барлыҡҡа килә. Хәҙер был ҡараш – минең төп талисманым һәм барлыҡ буласаҡ тректарымдың авторҙашы ла. Бәлки, ябалыҡ көтөргәлер”, - тигән Радик Юлъяҡшин.

Артабан да йырсыға ябалаҡ талисман тик уңыштар ғына килтерһен!

Беҙҙең МАХ каналына ҡушылығыҙ: https://max.ru/gazetabashkortostan