"Ай Йола" төркөмө йырсыһының егете кем?

”Ай Йола” төркөмөнөң йырсыһы Адель тамашасыларға тәүге тапҡыр егете менән күренде. Бәлки, ир-егеттәр өсөн иң насар көн булғандыр, бигерәк тә  Аделдең фанаттары өсөн!
Социаль селтәрҙәрҙә танылған йырсы Адель егете менән төшкән матур фотоларын ҡуйҙы. Фотолар аҫтына серле егет: “«Иң яҡшы ҡарар - ысҡынып китеү һәм һиңә барыу” тигән яҙыу ҙа ҡалдырған. Фотоларҙың береһендә йәш кеше йырсыны сикәһенән үбеп ала.

Комментарийға ҡыҙ ҙа: “Яратам”, - тигән яҙыу ҡалдырған.

Хәйер, Аделдең фанаттары был серле егетте шунда уҡ табып, исем-шәрифен яҙып та ҡуйған. Беҙ әлегә уның исемен сер итеп ҡалдырайыҡ.

Ә йәштәргә саф мөхәббәт теләйбеҙ!

Фото: "Кугарчинские вести"

Беҙҙең МАХ каналына https://max.ru/gazetabashkortostan ҡушылығыҙ!