Эрдоган Аy Yola менән осрашты

Төркиә президенты Реджеп Тайип Эрдоган 2 апрелдә Президент комплексында Башҡортостандан Ay Yola төркөмө ағзаларын ҡабул итте. Был хаҡта Төркиә лидерының коммуникациялар департаменты хәбәр итте.

Осрашыу киң мәғлүмәт саралары өсөн ябыҡ була. Фотола коллективтың музыкаль композиция башҡарыуы, ҡурайҙа уйнауы күренә.

Эрдоган менән осрашыуға тиклем Ay Yola төркөмө TRT Avaz телеканалында Науруз төрки халыҡтарының яҙ байрамына арналған концертта сығыш яһаған, тип хәбәр итте телекомпания.

Этно-поп стилендә йырҙар башҡарыусы Ay Yola төркөмө “Һомай” хиты арҡаһында киң халыҡ-ара танылыу ала. Уны йыш ҡына төрөк радиостанциялары ҡуя.

Фото: Төркиә президенты хакимиәте.