Пограничник яҙмалары
Суднолағы пожар
Йылы һәм елһеҙ сентябрь кисе. Дүрт сәғәтлек хеҙмәтем аҙағына яҡынлашты. Был минең "балда"ға, йәғни күҙәтеү манараһына беренсе тапҡыр сығыуым ине. Ҡараңғы төшә башланы. Яңылыштан судноларҙы үткәреп ебәрмәҫ өсөн ныҡ иғтибар менән ҙур бинокль аша "Татар боғаҙы" акваторияһын күҙәтәм.
Йылы һәм елһеҙ сентябрь кисе. Дүрт сәғәтлек хеҙмәтем аҙағына яҡынлашты. Был минең "балда"ға, йәғни күҙәтеү манараһына беренсе тапҡыр сығыуым ине. Ҡараңғы төшә башланы. Яңылыштан судноларҙы үткәреп ебәрмәҫ өсөн ныҡ иғтибар менән ҙур бинокль аша "Татар боғаҙы" акваторияһын күҙәтәм.
Смена тамамланыуға 40 минут тирәһе ҡалғас, мине диңгеҙҙәге ут йәлеп итте. Быларҙың барыһы ла ярҙан 10-12 миль тирәһе алыҫлыҡта ине. Биноклдән ҙурайтып ҡарағас, унда ут ҡапҡан судно икәне асыҡланды. Шунда уҡ мин был турала заставалағы дежурныйға кординаталарын билдәләп хәбәр иттем. Тиҙҙән бының нейтраль һыуҙағы сит ил судноһы икәне асыҡланды. Янып киткән йөк ташыусыны яҡындағы караптар тиҙ арала килеп етеп һүндерҙеләр.
Һаҡты техник күҙәтеүселәргә тапшырып, "Газ 66"-ның кузовына һикереп мендем дә, заставаға юлландыҡ. Минең күҙәтеү пунктындағы беренсе көнөм бына шундай ваҡиғалар менән тамамланды.
Эт һәм май һыланған икмәк
Йыйнаҡ һәм таҙа итеп йыйыштырылған заставаның ихатаһына май айының йылы һәм ҡояшлы көнө үҙенсәлекле йәнлелек бирә. Ваҡыт көн үҙәгенә яҡынлаша. Күпселек сик һаҡсылары төнгө хеҙмәттән һуң ял итә. Заставала дежурный, замполит, ашнаҡсы һәм урамдағы һаҡсы Паша ғына ине.
Эт һәм май һыланған икмәк
Йыйнаҡ һәм таҙа итеп йыйыштырылған заставаның ихатаһына май айының йылы һәм ҡояшлы көнө үҙенсәлекле йәнлелек бирә. Ваҡыт көн үҙәгенә яҡынлаша. Күпселек сик һаҡсылары төнгө хеҙмәттән һуң ял итә. Заставала дежурный, замполит, ашнаҡсы һәм урамдағы һаҡсы Паша ғына ине.
Аш-һыу бүлмәһенең асыҡ тәҙрәһенән тәмле борщ еҫе килә. Төшкө аш әҙерләнә. Әллә тәмле еҫтән, әллә ысынлап асыҡҡанлыҡтан, Павелдың ныҡ ашағыһы килеп китте. Ул кухняның асыҡ тәҙрәһе тапҡырына килеп, ашнаҡсы Женянан икмәккә май һылап биреүен һораны. Ризыҡты ҡулына алыуы булды, бәләкәй ҡапҡаның асылғаны ишетелде. Әйләнеп ҡарауға, унан өлкән лейтенанттың хатыны һәм уларҙың этенең инеп килеүе күренде.
Павел икмәген тиҙ генә артына йәшерҙе һәм һаулыҡ һорашты. Шул ваҡыт уның эргәһендә йүгереп йөрөгән эт артына сығып уның май һыланған икмәген ҡабып, ҡыуанысынан ҡойроғон болғай-болғай йүгереп ҡасып китте. Ләкин Павел юғалып ҡалмайынса: "Мин эттәрҙе бик яратам, шуның өсөн әҙерләп ҡуйған инем", - тине. Күп йылдар сик һаҡсылары араһында йәшәгән ҡатын барыһын да аңланы, һәм улар береһенә ҡарашып көлөп ебәрҙеләр.
Көтөлмәгән бәлә
Иртәнге сәғәт алтыла Юранан дежурствоны ҡабул итеп, журналдарҙы тултырып ултырам. Ниңәлер ул ваҡытта итекте кейергә йыбанып, тик еңел аяҡ кейемендә генә инем. Кителдең төймәләре эләктерелмәгән, штык-бысаҡ менән ҡайыш өҫтәлдә ята. Бығаса булмағанса, тыштағы һаҡсылар, Тулҡын менән Дим, инеп картуф бешерергә рөхсәт һораны. Оҙаҡ уйлап тормай, уларҙы үткәреп ебәрҙем. Тиҙ генә таҙартып, ҡура ла башланылар, тәмле еҫ бөтә заставаға таралды.
Көтөлмәгән бәлә
Иртәнге сәғәт алтыла Юранан дежурствоны ҡабул итеп, журналдарҙы тултырып ултырам. Ниңәлер ул ваҡытта итекте кейергә йыбанып, тик еңел аяҡ кейемендә генә инем. Кителдең төймәләре эләктерелмәгән, штык-бысаҡ менән ҡайыш өҫтәлдә ята. Бығаса булмағанса, тыштағы һаҡсылар, Тулҡын менән Дим, инеп картуф бешерергә рөхсәт һораны. Оҙаҡ уйлап тормай, уларҙы үткәреп ебәрҙем. Тиҙ генә таҙартып, ҡура ла башланылар, тәмле еҫ бөтә заставаға таралды.
Бөтә ерҙә тыныс, бер ниндәй ҙә бәлә булыры һиҙелмәй ине. Ләкин улай булмай сыҡты. Күп тә үтмәне замполит килеп инде. Баҡтиһәң, ул иртә менән комендатураға барырға йыйынған, ә мин ул турала бөтөнләй белмәй инем. Шулай уҡ төймәләр ҡаптырылмаған, итектәр кейелмәгән, ҡайыш тағылмаған килеш ултырам. Һикереп тороп доклад яһай башланым, мине тыңлап та тормаҫтан: "Ҡайҙа һаҡсылар?" - тип һораны. Уның тауышын ишетеп ҡалған теге икәү уҡтай атылып тышҡа сығып китте.
