Конкурс иғлан итәбеҙ!

15 апрелдән “Башҡортостан” республика гәзите, Бөйөк Еңеүҙең 77 йыллығына арнап, “Ялҡынлы йылдар яҙмаһы” тигән ижади конкурс иғлан итә. Ул 30 июнгә ҡәҙәр барасаҡ. Һүрәтләмә, мәҡәлә, әңгәмәләрегеҙҙе, хикәйә, эссе йә парсаларығыҙҙы редакцияға ебәрегеҙ.

Бөйөк Ватан һуғышы илебеҙ­ҙең һәр ғаиләһендә тәрән эҙ ҡалдырған. Ҡанлы ла, данлы ла йылдар тураһында хәтирә­ләр, яҡын кеше­ләрегеҙ хаҡында иҫтәлек һаҡлай­һы­ғыҙ икән, улар менән уртаҡ­лашығыҙ.

Конкурстың маҡсаты – Вата­ны­быҙҙың тарихи үткәненә ҡы­ҙыҡ­һыныуҙы, ихтирамды арттырыу, ғорурлыҡ тойғоһо уятыу; башҡорт телендә Бөйөк Ватан һуғышы, Бөйөк Еңеү темаһына яҙылған мә­ҡәләләр аша тарихи хәтерҙе һаҡ­лауға, ватансылыҡ тойғоһона бу­лышлыҡ ҡылыу; һәләтле автор­ҙарҙы билдәләү, уларҙы дәртлән­дереү.

Тәҡдим ителгән эштәрҙең темаһы конкурстың маҡсатта­рына тап килергә тейеш. Конкурс ко­миссияһы мәҡәләләрҙе баһа­ла­ғанда йөкмәткеһенә, һүрәтләү оҫталығына, телдең үҙенсәлек­тә­рен аңлап, дөрөҫ яҙыуға иғтибар итәсәк.

Конкурста 14 йәше тулған үҫ­мерҙәрҙән алып, төрлө йәштәге өлкәндәр ҡатнаша ала. Бер ҡат­нашыусынан ҡабул ителгән эштәр һаны сикләнмәй.

Бәйгеселәр үҙҙәренең исем-шәрифен, адресын һәм телефонын күрһәтеп, яҙмаларын электрон вариантта редакцияға алып килеп тапшыра (450079, Өфө ҡалаһы, Октябрҙең 50 йыл­лығы урамы, 13-сө йорт, 5-се ҡат, 518-се бүлмә) йә электрон почтаға (bashgazet@mail.ru) ебәрә ала.

Мәҡәлә компьютерҙа А4 форматында 14-се кегль Palatino Linotype шрифты менән йыйы­лырға; юлдар араһы 1,5 см булырға; күләме 6,5 биттән артмаҫҡа тейеш.

Конкурсҡа ижади эштәр 2022 йылдың 18 апреленән 30 июнгә ҡәҙәр ҡабул ителә. Иң яҡшы тип табылғандары гәзит биттәрендә донъя күрә. Еңеүселәр аҡсалата премия менән бүләкләнә.

Хөрмәтле гәзит уҡыусылар, һеҙҙән конкурсҡа йөкмәткеле мәҡәләләр көтәбеҙ. Конкурстың тулы положениеһы менән сайтта (https://bashgazet.ru/articles/0905/2022-04-14/ya-y-izhadi-konkurs-i-lan-it-be-2768643)  танышырға мөмкин.

Рәүилә ҒАТАУЛЛИНА.