Башҡортостан
-11 °С
Болотло
VKOKРУС
Бөтә яңылыҡтар

Өфөлә “Музейҙан хат” акцияһы бара

Акция “Еңеү биләмәһе” федераль проекты сиктәрендә үтә.

Өфөлә “Музейҙан хат” акцияһы бара
Өфөлә “Музейҙан хат” акцияһы бара

Республиканың Хәрби Дан музейында һәм уның филиалында – 112-се Башҡорт кавалерия дивизияһы музейында, Почта музейында һәм Өфө ҡалаһы тарихы музейында Еңеүҙең 77 йыллығына арналған “Музейҙан хат” акцияһы бара. Сара 1 майҙа старт алды һәм 9 майҙа тамамланасаҡ.

Акция барышында музейға килгән кешеләр махсус тематик бланкыла хат яҙып, уларҙы Бөйөк Ватан һуғышы ваҡытындағы кеүек өсмөйөш хат итеп бөкләп, Рәсәй Почтаһының музейҙағы йәшнигенә һалып, Башҡортостандың ауыл-ҡалаларына ебәрә.

Сараны Башҡортостандың Мәҙәниәт министрлығы, Рәсәй Хәрби-тарихи йәмғиәте һәм ҡатнашыусы музейҙар ойоштора. Акция “Еңеү биләмәһе” федераль проекты сиктәрендә үтә.

Сарала ҡатнашҡан музейҙарҙың адрестары:

Республиканың Хәрби Дан музейы – Өфө ҡалаһы, Комаров урамы, 7;

112-се Башҡорт кавалерия дивизияһы музейы – Өфө ҡалаһы, Дим биҫтәһе, Левитан урамы, 27;

Почта музейы – Өфө ҡалаһы, Ленин урамы, 28;

Өфө ҡалаһы тарихы музейы – Өфө ҡалаһы, Ленин урамы, 72.

Фото: Башҡортостан Мәҙәниәт министрлығы сайтынан.

Өфөлә “Музейҙан хат” акцияһы бара
Өфөлә “Музейҙан хат” акцияһы бара
Автор:Рәмилә Мусина
Читайте нас в