Әбйәлилдә ветерандар өсөн парад ойошторолдо

Бөйөк Батан һуғышы ветерандарын Еңеү байрамы уңайынан район хакимиәте башлығы Илдар Нафиҡов, район хәрби комиссары Максим Гребенщиков ҡотларға барҙы.

Ҡаҙмаш ауылында тыл ветераны Хөбъямал Сәғәҙәтованы ла тәбрикләнеләр. Ҡаҙмаш урамдарынан шулай уҡ “Үлемһеҙ полк” үтте һәм унда ҡатнашыусылар Еңеү парадына ла шаһит булды.

“Ҡаһарманлығығыҙ алдында баш эйәбеҙ. Һеҙгә оҙаҡ йылдарға һаулыҡ, бәхет һәм тыныс күк йөҙө теләйем. Һеҙҙе һәр ваҡыт яҡындарығыҙҙың мөхәббәте, ихтирамы һәм хәстәрлеге уратып алһын, тормошоғоҙ тыныс, бәхетле һәм шатлыҡлы булһын!", – тигән теләктәрен еткерҙе ИлдарТаһир улы хөрмәтле ветерандарға, һуғыш балаларына.

Яугирҙәр үҙ сиратында уларҙы онотмаған район етәкселегенә иғтибар һәм ихтирам өсөн рәхмәт белдерҙе һәм киләсәгебеҙ бәхетле, тормошобоҙ тыныс булһын тигән теләктәрен дә еткерҙе.

Сығанаҡ һәм фото: Рәмилә Истанбаева.