Башҡортостан Башлығы Радий Хәбиров социаль селтәрҙәге сәхифәһендә Бөйөк Ватан һуғышы яугиренең арабыҙҙан китеүе тураһындағы яҙмаһы менән уртаҡлашты:
Георгий Платонов 1942 йылдан Бөйөк Ватан һуғышында ҡатнаша. Мәскәү һәм Ржев ҡалалары өсөн алыша. Курск, Днепр өсөн һуғышта батырлыҡ күрһәтә. 16-сы Чернигов Ҡыҙыл байраҡлы гвардия -кавалерия дивизияһының 62-се гвардия-кавалерия полкының эскадроны менән командалыҡ итә.
Башҡа Геройҙарыбыҙ кеүек Георгий Федорович Платоновтың исеме, Өфөнөң Совет майҙанында Миңлеғәле Шайморатов һәм барлыҡ Тыуған ил өсөн һәләк булғандарға ҡуйылған һәйкәлдең колоннаһына уйылып яҙылған.
Георгий Федорович Платоновтың туғандарының һәм яҡындарының тәрән ҡайғыһын уртаҡлашабыҙ.
Фото: Башҡортостан Башлығы сәхифәһенән.